အတတ်လည်းသင်
ပဲ့ပြင်ဆုံးမ
သိပ္ပမချန်
ဘေးရန်ဆီးကာ
သင့်ရာအပ်ပို့
ဆရာတို့ဟု…
ရှေးကဆိုထား
ဝတ်ငါးပါးကို
တစ်ပါးမယွင်း
ပြည့်စုံခြင်းဖြင့်
စိတ်ရင်းဖြူစင်
မငြိုငြင်ဘဲ
ချစ်ခင်သနား
မေတ္တာထား၍
နာများစွာနဲ့
ဆုံးမပဲ့ပြင်
အိုဘယ့် အနစ်နာရှင်
ဆရာသခင် …… ။ ။
တပည့်မရှား
တစ်ပြားမရှိ
ပီတိကိုစား
ညာဏ်စွမ်းအားဖြင့်
မာန်များကင်းစင်
ရှေ့သို့နှင်လျှက်
ပြုံးရွှင်ကြည်သာ
ချိုမြစွာနှင့်
ချိန်ခါမရွေး
ဆုံးမပေးသည်
အိုဘယ့် ၀ါသနာရှင်
ဆရာသခင်….။ ။
စွမ်းအားကိုမြှင့်
လမ်းများဖွင့်လျှက်
ကျောနှင့်ရင်သား
မခွဲခြားဘဲ
စိတ်ထားညီကာ
တူမျှစွာနှင့်
ကြိမ်စာမကျွေး
အလိမ္မာပေး၍
ညွှန်ကာလမ်းပြ
ဆိုဆုံးမသည်
အိုဘယ့် စေတနာရှင်
ဆရာသခင် …..။ ။
အပြစ်မရှာ
ချစ်သဒ္ဓါနဲ့
သစ္စာမပျက်
ဂုဏ်မမက်ဘဲ
ထက်မြက်စေရန်
စေတနာမှန်နှင့်
နာခံစေရေး
သင်ကြားပေးလျှက်
နွေးထွေးမေတ္တာ
ဆုံးကမ္ဘာတည်
အိုဘယ့် ဆရာသခင်
ကျေးဇူးရှင်…..။ ။
ဆရာကျေးဇူး
မြင်းမိုရ်ဦးကို
ဖတ်ဖူးသေချာ
ဒို့ဝန်တာမှာ
လိမ္မာစေရန်
ဆုံးမခံလျက်
ထက်သန်စိတ်ကူး
တို့ရည်စူး၍
ကျေးဇူးဆပ်ကာ
ရှေ့သို့သာသွား
တပည့်အများ
ညီစေသား … ။ ။
ဒီဧလင်း
0 comments:
Post a Comment